يل من عسل مخلوق ومكاسر بهيل ,,,, ابوذيات & ومضات ودارميات

احلى من البدر يا اسمر وصفناك ..
ولكل مريض انته الدوه وصفناك ..
يا حافظ الله يسترنه وصفناك ..
كلي اشتعل من تصفن عليه ,



غزل خوتك تخلبص صفه كتلك
بوجه الكون نوكف صفه كتلك
بحبل غدرك جتفتني اوصفكتلك
ضلوعي الصفكن مو جف اديه




على كد البعد راح ارسم اعيون
وعلى كد ما احبك راح ارسمك ..

واسمك راح اكتبه بخط الهموم
حتى اتعب صدك من اذكر اسمك .



بفراكك اجوني اهواي شمات
وعليك اشكد حجو ماغيروني ..

انه اعتب على اهلي مني بعدوك
اذا ما اشوفك المن خلفوني ؟



ولك ..عطشـان گلبـي .. ونـار تسعر بيه
اذا .. طفيـت نـار البيـه شيضـرك.. ؟؟

گطـرة ..أتطفـي ناري .. وتبخل أنت شبيك ؟
هيچـي الگطـرة ..هـاي تـأثر أبحرك !.



كلي شلون اموت كلبي حتة انساك
سبع ارواح كلبي شلون اموتة,,

حظنك صار جنة واني صرت ابليس
ومن ياباب افوت بليس للجنة .




لو تدري بيه اشصار وشنهي الجرالي؟ **** كابلني حالي وكام يبجي اعله حالي !

يل من عسل مخلوق ومكاسر بهيل **** وعيوني من فركاك ما نامت الليل .

،،،،،،،،،،،،