ابوذيات روعه لعيونكم

شعجب دفتر عشكنة ماتكلبة
وليش انت اليكلبك ماتكلبة
تره كلبي بغيابك مات كلبة
كلب كلبي توفه وعم عليه

اذن بيك الكلب هاك اذانة
اموت ولااكلك هيج انه
طفل كلبي وتجاوز هاك اذانة
الويها ارجوك خاف يعم علية

اريد ابجي على روحي واناحي
الدنيا ضاكت بعيني واناحي
اخوي الي ماعرفني وانا حي
مااريده يوم ردت التراب عليه

جمر دمعي عله خدودي ترى سال
كطعت اخبارك حبيب تراسل
انه انسليت من هجرك ترى سل
وتون الروح وتريد المنيه

العليه غير اهلها من علاها
وروحي خسه الكلك من علاها
بعزم الله نخلتي من علاها
يراموها بحجر واظل سخيه

الك ياصاح ماظل مني خاطر
واحسبه حساب دربك من اخاطر
تعال كرب حبيبي مني خاطر
تعرف اجنون حبك اشسوة بيه

حبيبي الشكر انته بستكاني
جميل وكلك مرتب بستكاني
اظن مرة بحياتي بستكاني
وظل الها اثر ليهسا بيه

الدهر وياي اللي يريـــــــده
بنخلة الروح ظلت بس يريده
اخوي الزامطت بسمه يريده
ونخى الشمات من هدو عليه

اريد اكضي توالي العمر هايوم
على الصاحت بتالي الليل هايوم
ها اموت بسبع تيام هايوم
ها كبل الفجر يسرون بيه ....