اكبر مكتبة للنكات العراقية... تحدي

السلام عليكم شباب شلووونكم ؟
انشاء الله الكل بالف خير وصحه وسلامه
اليوم حبيت اسوي موضوع نتحدى بي كل المنتديات
ونثبت انه منتدانا الغالي ( بغدادي الحبيبه ) يضل الاحسن والافضل



وراح انزل نكات جديده (مكتبة نكات)
والي اريده منكم تساعدوني بهذا الشي
يعني اي نكته جديده تجيكم تحطوه هنا
حته نسوي مكتبه نتحدى بيه الكل



*****

تلميذة مشاغبة ودتها المعلمة للمديرة ورجعت المعلمة للصف وهية تعيط متهسترة المديرة تعجبت وگالة للتلميذة مامة انتي شمسوية گلتلها ست كلشي مسويت بس شمرت وردة من الشباك چان المديرة دگول للتلميذة رجعي مامة للصف ولتسوين وكاحة وره شوية جتها بنية مكسرة وحالتها حالة گلتلها المديرة مامة انتي منو جاوبتها وهية تون ست اني وردة الي انشمرت من الشباك



***

دلوع عنده امتحان عربي
جاه سؤال ..
أكمل البيت : من لم يمت بالسيف .... ؟
قعد
الدلوع يحك رأسه ،، وبعد تفكير عميق
قال:
من لم يمت بالسيف .. مات بالشتاء



***

واحد خاطب وطاگه الهبري فديوم اشترى رگية وراح البيت خطيبتة اول ماطب البيت البنية استلمته امها موشحلت فهو أبتسم بوجها وگللها عمة اني اليوم عازكم على هل الرگية المجرشة بالزوراء فعلى ماوصلو وگعدو طلع السچينه ديگص الرگية چان يطلعلا منها مارد يگله شبيك لبيك اطلب طلب واحد فچان عمته تنط من يمها عيني الجني انريد بيت فچان يگلها انتي عاقلة مخبلة هوالفانوص شيلوني منه وچان يختفي الجني العريس هاعمة ارتاحيتي اني كنت اتمنة ينطيني فلوس التكسي مال الرجعة



***

فديوم واحد محشش صايم اتصل بالراديو كلولة شتحب تسمع كللهم مقطع من اذان المغرب


***
واحد حواسم اشتره سيارة حديثة كلش بيهه كومبيوتر ناطق كاعد يسوق بالسيارة وديمشي سريع الكومبيوتر كله خفف السرعة امامك مطبات هذا مدار بال وزيد السرعة بعدين الكومبيوتر كله خفف السرعة امامك طريق وعر هم مدار بال ومشه اسرع الكومبيوتر كله خفف السرعة امامك زحمة سير هم مدار بال مشة بعد اسرع اخر شي الكومبيوتر كال قف قف ابن الكلب نزلني هنا انت مو ادمي



***

فد يوم خمسة اغبياء كاعد يصلون جماعة بالجامع اول واحد عطس بالصلاة جان يكول الحمد لله الثاني كال يرحمكم الله الثالث كال تره مايصير تحجون بالصلاة الرابع كال هاي صلاتكم باطلة الخامس كال همزين اني ماحجيت بالصلاة


***

وحدة نايمة بالليل جان تكعد زوجهه وكلتله كاعد اسمع صوت بالبيت اخاف حرامي جان زوجهه يكلهه لتخافين انتي نايمة ويه سبع بعدين كلتله هذا الصوت صار كلش قريب يم الغرفة اخاف حرامي كلهه لتخافي انتي نايمة ويه سبع بعدين كلتله هذا حرامي فات للغرفة كلهه لتخافين نايمة ويه سبع بعدين كالت يمعود هذا الحرامي شالني وراح يخطفني جان يكلهه زوجهه لتخافين راح تعوفين بالبيت سبع


***

صارت مسابقة الي عندة عشر جهال ينطو جائزة مليون دولار وجان اكو واحد عندة تسع جهال بس فكال لزوجتة اكلج حبيبتي اني جنت متزوج عليج وعندي ولد خلي اروح اجيبة واجي علمود يصيرون عدنه عشر جهال وناخذ الجائزة راح جاب الولد ورجع شاف جهالة التسعة ماكو كال لزوجتة وين الجهال جان زوجته تكله كل واحد اجه ابو اخذه وراح


***

سألوا محشش : شنو شعورك و انت خاطب ؟؟؟

.
.
.
.......
.
.
.
.
.
.
.
.
كال : نفس الشعور لمن تشتري باسيكل جديد و ابوك ما يخليك تستعمله !!!!..


***