بالعشك شفت اشكال

انواع اني شفت بالعشك واللوان
فرفت الكلوب وشفت اشكال


اكو بيهم تشوفه حبه للموت
مثل الاسد وشامخ مثل الاجبال


اكو نفسه ضعيفه يخون كل يوم
وكت الصدك يوكف مثل تمثال


واكو بيهم فعل عد حجيه لوكال
واكو بيهم سوالف نثر واقوال




اكو بيهم تحبه وهو ناسيك
واكو بيهم يحبك وانت ناسيه


اكو وكت الفراك يخون بيك
وانت كل حياتك ماخنت بيه


ومن تريد ترجع اله وتشتاك
هوا عليك يزعل يسحب ايديه


واكو بيهم يتعبك يهجر يروح
وانت الي تدور اثر رجليه




تعال وشوف انت قرر شلون؟
واعرف شنهو انت الي تريده


حبك صدك او مضرب امثال
لو كله جذب مثل الجريده


اصفن ع اليحبك شوف شيكول
يككول عليك اشعار وقصيده


ورغم كل الي صار وتعب وياك
مامره نساك وكال ماريــده
الشاعر محمد العلواني